نقطه من اول السطر هي الزريبة ناقصة جحش بقلم /حماد مسلم

نقطه من اول السطر
هي الزريبة ناقصة جحش
بقلم /حماد مسلم
في جلسه مناقشه دارت بيني وبين صديق لي قال لي بالحرف الواحد (هي الزريبة ناقصه جحش )كانت المقوله علي شخصية طالبت تدفع 150مليون علشان تدخل قائمة ابو كرتونه بكل أمانة ضحكت وطلب مني كتابة مقالة معنونه بتلك الكلمة وبصراحة لقيتها حلوه يا استاذ وائل كتبتها تعالي عزيزي القارئ نبحر سويا في تلك الكلمات ربما تتفق معي أو تختلف ولكن الاختلاف لا يفسد للود قضية في الحقيقة نحن لا نشير لأحد بعينه ولا لحزب بعينه ولكن ننتقد سلوك أصبح منهج كنا نود من يأتي ويمثل الشعب هو بالفعل يمثلهم للدفاع عن مقدراتهم ليست المحافظه علي مصالحه الشخصية هناك شخصيات تربحت من عضويتها واستغلت الحصانة من أجل التربح علي اي حال مع اقتراب اي استحقاق انتخابي لاختيار اعضاء مجلس النواب تتعالي الاصوات بين الحين والاخر صوتك امانه ارضي ضميرك مصر بتناديك اختار صح صوتك مش للبيع في حين اخر تجد من ينتظر الكرتونه والمائة جنيه وممكن يحصل مزاد والكرتونه تبقي اتنين والمائة جنيه تبقي مائتان نهيك عن الرحلات المخفضة من الشباب والرياضة يعني كده شغلانه نفاق في نفاق اللي جوه المجلس يقولك انا هعمل وهعمل طب ياسيدي معملتش ليه المخالف وقانون التصالح الغير دستوري وبعدين في غرامات اللي مارحش انتخب في مجلس الشيوخ نهيك عن الجامعات اللي هتبقي بفلوس والتعليم اون لاين يعني قول كده حبة قوانين تودي في داهية والله يجب علي اهالي كل دايرة ان يطالبوا بمحاكمة نوابهم لخيانة الامانة وخاصة حزب ابو كرتونه اللي فلوسه كتير …
عزيزي القاريء النفاق لغة العصر والباب المؤدي لكرسي البرلمان والمواطن طظ ومليون طظ هي الحكايه ان اتعرفت ان الكرتونه اصبحت لها لسان كنا قد حظرنا من المال السياسي وتسلل بعض رجال الاعمال للاحزاب السؤال الناس هتنتخبكم ليه علشان تصدقوا علي قوانين كلها بمثابة حكم الاعدام بالنسبة للفقراء والبسطاء تنتخبكم علشان قوانين غير دستورية تنتخبكم علشان تتنمروا علي الشعب وتسبوا اللي خلفنا تنتخبكم علشان تنهبوا اموال الغلابة علي هيئة جلسات وبدلات تنتخبكم علشان تقيموا مزاد علي الوظائف تنتخبكم علشان انتشار فسادكم وسرقة الاراضي تنتخبكم علشان تحموا مصالحكم …..
نعم ياساده النفاق سمة من سمات كل المرشحين يجعلنا نشعر اننا نعيش في ادغال افريقيا وعندما ينجح يجعلنا نشعر اننا في اوروبا ويعدد الانجازات يراها هو فقط اما المواطن يرتدي نظارة سوده …
السؤال للمواطن صوتك بكام …وللمرشح تشتري بكام ….في اللي ممكن يدفع مائتان وممكن خمسمائه ..هتبيع صوتك …علي اي حال اذا كنا بنطالب المواطن بالنزول واستخدام حقه فاننا ايضا نطالب المشرع بحماية المواطنين من مستغلين حصانتهم لاننا نؤمن ان مفيش حد فوق القانون علي العموم الايام القادمه سنري من الكراتين وكلامنا كله في الهوي
………….الخلاصة
شراء الصوت اسهل بكتير من شراء حمار
………فيتووووووو
لما مفيش حد يعرفك نازل تهبب ايه