نقطه من اول السطر كلنا مستأجرين…براحة علي الشعب يا حكومه بقلم/حماد مسلم

نقطه من اول السطر
كلنا مستأجرين…براحة علي الشعب يا حكومه
بقلم/حماد مسلم
هو فعلا فئة الملاك اندثرت واصبحت كلنا مستأجرين بالمعني البلدي كده كنا بنسمع المالك والمستأجر خلاص يا سيدي مبقاش مالك ومستأجر كلنا مستأحرين الواحد من دول بيشتغل وينتظر القبض ويمسك القرشنات تأتي الكهربا والغاز والميه والجديد باقة النت وشريط برشام متفهمنيش غلط برشام الضغط والسكر ياخفيف …المرتب طار المرتب طار علي فكره دي اغنية بتتغني كل نهاية شهر وبعدين تأتي اغنية او احداث فيلم سلفني تلاته جنيه ..
عزيزي القارئ …
كنا بالامس نطالب بسن قانون يحدد علاقة المالك والمستأجروصدر القانون اليوم بنطالب بقانون براحة علي الشعب ياحكومه الناس هتلاقيها من فين ولامن فين مصروفات مدارس فواتير كهربا وغاز وميه وعلاج الواحد من دول يستلم المرتب باليمين يدفعة خدمات يعني الناس بقدره قادر شغالين بس مش بتقبض الناس بتدفع وبس يعني تعمل جمعيه ملهاش اخر ومش بتتقبض يا حلو خلاص انت تدفع بس.. المواطن مش حط صوابعه في الشق المواطن ايده من غير صوابع حتي الشق ولا اقولك شوف اقرب حيطه واخبط دماغك فيها الحيط .. الحيتان هيقدروا يعيشوا من غير ما حد يخدم عليها الدنيا كلها هتبقي حيتان مفيش غلابه الغلابه والمواطن البسيط كلمه كنا بنسمعها زمان احنا ياسطي خلاص احنا بين حرب الحيتان الحكومه بتقول هناك فساد والمواطن هو اللي بيدفع الفاتوره الحيتان بتتنعم وبتتمرمغ في الخير المنهوب والغلبان بيتحبس علشان رغيف عيش سرقه واللي سرق مليارات بتتجدول سرقاته واللي سرق اراضي الدولة بيتعمل ليها تقنين يا ما بيوت اتقطع عنها الميه وبيوت عايشه في الظلام وطلاب تركوا التعليم وشغال علي تكتوك وفي اخر النهار يجي اللي يأخذ منه نص المحصول …اوضاع للاسف الشديد تزداد تعقيد البسيط بيموت ببطئ والحوت من دول يزيد ثراء ….السؤال هو ايه الحل …هي الحكومه مش قادره تستقيل وتأتي حكومه تكون قادره علي ايجاد حياة كريمه للمواطن تعليم مجاني وصحة بالمجان ياساده الصحة ملف اسود ناس بتموت والعلاج مش رخيص ودخول المستشفيات بقي بالوسطه وان لقيت سرير فاضي تبقي عديت يابرنس برنس ايه بقي كلنا مستأجرين …سؤال هي الحكومه امتي هتعرض المنازل في مزاد علني اصل العفش اتباع والبلاطه اتخلعت والحديد مبقاش في حديده ….بابا بابا قوم علشان الساعة تمانيه هتتاخر عن الشغل عارف ياواد يا محمد كنت بحلم اني بكتب مقاله عن كلنا مستأجرين ياريت الناس اللي عندها براعة في تفسير الاحلام تفسر الحلم ده …
….الخلاصة
الظروف الاقتصادية الصعبة يشعر بها المواطن الغلبان
…..فيتووووو
فسري الحلم وتستقيل الحكومه يانهار…